જૂનનાં ગરમીના દિવસો , હિરવાએ વેકેશનમાં સીમલા જવાનું ગ્રુપમાં નક્કી થયું ને ઘરમાંથી મંજુરી લઇ લીધી. સવારથી બસમાં જબરદસ્ત ધમાલ કરતાં સીમલા પહોચી ગયા .એક ભાઈ મોટો ને હિરવા ઘરની લાડકી દીકરી . બાઇકિંગ -ગ્રુપની પણ એક્ટિવ મેમ્બર હતી .દીકરાની જેમ જ ઉછેરી હતી ,પંજાબી સમાજ નું નાક કહેવાતી, બોલ્ડ ,સ્ટડીમાં પણ તેજસ્વી .મિત્ર વર્તુળમાં લોકપ્રિય .બીજા દિવસની સુંદર સવારે કોટેજ સાથેનાં રમણીય જંગલમાં વોક પર નીકળી . ઠંડી હવા અને કુમળો તડકો ને હરિયાળી જોતા જોતા અચાનક એની નજર ટેન્ટ પર પડી . બહાર ચેર નાખી થોડા યુવાનો બેઠા બેઠા ચા -કોફીની ચૂસકી લઇ રહ્યા હતા . એમાંથી એક યુવાને હાથ ઉંચો કર્યો ,
"હાય, ગૂડ મોર્નિંગ મેમ ,પ્લીઝ જોઈન."
"ઓહ ,નાઈસ મોર્નીગ ટૂ ઓલ "
ગેસ્ટ ઇન ધીસ હોટેલ ? અને હિરવાએ નવા મિત્રો સાથે ઓળખાણ આપતા મોર્નીગ ટી લીધી .બધા ફ્રેન્ડ એક ફ્રેન્ડની બેચરલ પાર્ટી મનાવવા આવ્યા હતા .જેણે હાથ ઉંચો કર્યો હતો એનું નામ સુશાંત સિંગ , ચંડીગઢમાં IAS કરી હવે દિલ્હી પોસ્ટીંગ મળ્યું હતું .હસમુખ સ્વભાવ અને ફ્રેન્ડલી પ્રતિભાવ .થોડી વાર વાતો કરી પછી પાછી વોક લેવા નીકળી .રૂમમાં પહોચી તો બધી ફ્રેન્ડ ભેગા થઇ પ્રોગ્રામ ડિસ્કસ કરતી હતી .
"શું મેડમ ,સવારમાં ક્યાં નીકળી પડી ?"
"અરે ,.બધા ઊંઘતા હતા ,મારો રોજનો નિયમ જરા ફરી આવી . અને બધા સાઈટ સીઈંગમાં નીકળી પડ્યા .સાંજના ડીનર વખતેફરી સુશાંતનું ગ્રુપ મળ્યું .અને ફ્રેન્ડસ સાથે ઓળખાણ .મોડી રાત સુધી લાઉન્જમાં બેસી ગપ્પા માર્યા ,સુશાંતે કહ્યું ,'હિરવા દિલ્હીમાંજ છો તો મળવાનું રાખજો .મને તમારા જેવી સ્પોર્ટી છોકરી સાથે મળી ખૂબ આનંદ થયો '.ત્રણ દિવસની ટ્રીપ તો ક્યાં પતી ગઈ ખબર નહિ પડી .ઘરે પહોચી કે બીજે દિવસે સુશાંતનો ફોન આવ્યો ".હાય ,હીર મિસ કરું છું .' હસતાં હસતાં હિરવા બોલી "હજી એક દિવસ તો થયો છે "
"હા ,પણ યાદને સમય સાથે શું કામ ? તમને યાદ નથી આવતો ?
"હા ,યાદ તો કરું જ છું ,અને હવે આ તમે તમે કહેવાનું બંધ કરો"
"હું પણ તને એજ કહું છું " અને બંને હસી પડ્યા .ફ્રેન્ડનાં લગ્નમાં પણ ઇન્વાઇટ કરી ત્યાં મળ્યા. હિરવા વારંવાર મળવાં નીકળી જતી .ખૂબ નજીક આવી ગયા હતા .કદાચ મિત્રતા કરતા વધુ આગળ નીકળી ગયા હતા .પોતાનાં બીઝી શીડ્યુલમાંથી સમય કાઢી સુશાંત હિરવા સાથે મનગમતી પળો માંણી લેતો .હિરવાંના પપ્પા મમ્મી લગ્ન માટે પૂછતાં તો નાં કહેતી હિરવા હવે એવું કહેવા માંડી હતી કે ,હા થોડા સમયમાં વિચારી લઉ. અને ઘરે રજુઆત કરી .લગ્નની વાત માટે સુશાંતનાં ઘરેથી કોઈ જવાબ આવ્યો નહોતો .સુશાંત તો હિરવા સાથે કોઈ પણ સંજોગોમાં લગ્ન કરશે જ એવો ખ્યાલ એના ઘરનાંને આવી ગયોં હતો,ias દીકરો હોય એટલે સમાજનાં બીઝ્નેસ ગ્રુપમાંથી કરોડોના આંકડાનાં દહેજની ઓફર પાક્કી .ઘરનાં લોકોની નારાજગી છતાં મઘ્યમ વર્ગીય હિરવા સુશાંતને પરણીને ઘરે આવી .સુશાંતે હીરવાને નારાજગી બાબતે કઈ જણાવ્યું નહોતું અને ઘરનાં બધા ઠીકઠાક વહેવાર રાખતા . પોતાના સ્વપ્ન સંસારમાં ખોવાઈ ગઈ હિરવા અને થોડા સમયમાં ટ્રેનીંગ સ્કૂલ શરુ કરવાનું પ્લાનિંગ કરતી હતી.સુશાંત તો એટલો ખુશ કે એને દુનિયાનું બધું સુખ હિરવામાં દેખાતું હતું .
અને અચાનક એક દિવસ ઓફિસે ફોન આવ્યો ને સુશાંત દોડ્યો .ઘરે કીચનમાં હિરવાની અર્ધ -જલેલી લાશ અને બધા માણસો ભેગા થયેલા, ઘરે ખાલી મધરહતા,હોસ્પિટલ લઇ જતાં સુધીમાં તો હિરવા મૃત્યુ પામી હતી . પછી તો ઘરે કંઈ સમજે તે પહેલા બધા ભેગા થઇ જાત જાતની અટકળો લગાવી વાતો કરવા માંડ્યા .મધર કહે હું તો પાડોશીને ત્યાં ગઈ હતી .આજેતો ઘરે કામ કરવાં આવતો સ્ટાફ પણ રજા પર હતો .મને કંઈ ખબર નથી એકદમ આગ લાગી એટલે હું દોડી આવી ને ફોન કર્યો વગેરે વગેરે .....
અને શૂન્યમસ્ક થઇ બેસી રહ્યો .અને થોડા દિવસ પછી ઘરમાં કઈ પણ કહ્યા વગર પત્ર મૂકી નીકળી ગયો ."મને ખબર નથી શું થયું હશે ,તપાસમાં જે પણ કઈ બહાર આવે એની સજા તો કરનારને જરૂર મળવાની છે .હું આ ઘરમાં ફરી કદી પગ મુકવાનો નથી અને મારે તમારી કોઈ પ્રોપર્ટી પણ જોઈતી નથી .તમારી નફરતે મારી હિરવા છીનવાઈ ગઈ છે ,મને પણ ભૂલી જજો ."
અને પરિવારે પૈસાની લાલચમાં વહુ સાથે એકનો એક દીકરો પણ ગુમાવ્યો
No comments:
Post a Comment